دليل الرقابة الأبوية على موبايلات الأطفال في مصر

ليه الأسرة المصرية محتاجة تابع؟

• عربي بالكامل: الواجهة والشرح والتقارير والدعم.
• بالجنيه المصري: دفع إلكتروني مصري بالبطاقة أو المحفظة، أو بكود تفعيل، من غير بطاقة دولية.
• دعم بيرد عليه إنسان: على واتساب +201507966165.
• تطبيقات البنوك شغالة: تابع ما بياخدش صلاحية إمكانية الوصول ولا بيشغّل VPN، فمفيش حاجة على الموبايل يعترض عليها البنك.
• حماية من جوه النظام: مش تطبيق ابنك يقدر يقفله أو يمسحه.

حماية ابنك ما بتتشالش

تابع للأطفال بيتثبت بصلاحية Device Owner، أعلى صلاحية إدارية في أندرويد. يعني نظام التشغيل نفسه هو اللي بيمنع:

• التطبيق ما بيتحذفش وما بيتوقفش بالقوة وبياناته ما بتتمسحش.
• ضبط المصنع من الإعدادات مقفول، وأنت اللي بتتحكم في القفل.
• الحماية شغالة بعد إعادة التشغيل ومن غير إنترنت.
• المساحة الثانية، وملف العمل، والتطبيقات المستنسخة، والمساحة الخاصة كلها مقفولة.
• أي VPN أو بروكسي أو مغيّر DNS ممنوع، حتى لو كان متثبت قبل تابع.
• الحجب شغال على الواي فاي وعلى باقة الموبايل، وبأي شريحة، ومع أي عدد حسابات جوجل.

خطوات عملية للأب والأم

1. جهّز الموبايل مرة واحدة

ثبّت تابع للأطفال من الكمبيوتر بكابل الشحن بخطوات صفحة التثبيت، من غير ضبط مصنع ومن غير ما تمسح حاجة. ونزّل تطبيق المشرف على موبايلك واربط الجهاز بحسابك.

2. اختار التطبيقات المسموحة

في تابع للأطفال ما بيفتحش غير اللي أنت موافق عليه: واتساب، وتطبيقات المدرسة، وأي حاجة تختارها. وكل الباقي محجوب. وتضيف أو تشيل في أي وقت من موبايلك.

3. نظّم وقته بالأوضاع والحدود

• النوم والمذاكرة: نوافذ يومية ما يفتحش فيها غير اللي أنت اخترته.
• التركيز الصارم: عداد بملء الشاشة لمدة تحددها، ما بيخلصش بإعادة التشغيل ولا بقطع النت.
• حدود وقت يومية لكل تطبيق لوحده.
• وتغيير ساعة الموبايل مش ثغرة: الساعة بتتثبت على وقت الشبكة.

4. احجب المواقع اللي تقلقك

الإباحية محجوبة دايما والبحث الآمن إجباري، على مستوى النظام كله. وفوقهم تقدر تحجب أي موقع، أو تنزّل قوايم جاهزة ومراجَعة من صفحة الملفات الجاهزة وتستوردها في تطبيق المشرف: مواقع أفلام، ومواقع تواصل، ومواعدة، ومراهنات، وغيرها.

5. تابع التقارير بهدوء

من تطبيق المشرف بتشوف استخدام كل جهاز يوم بيوم، والتطبيقات المثبتة، ومكان الموبايل على الخريطة، وتقدر تقفله فورا أو تبعت رسالة على شاشته. وأي تعديل بتعمله بيوصل الموبايل في ثواني. خلّي قراية التقارير جلسة أسبوعية هادية مع ابنك: الهدف تعديل السلوك، مش اصطياد الغلط.

نصايح للتعامل مع المراهقين

اشرح لابنك ليه الحماية موجودة قبل ما تركّبها، وشاركه في اختيار التطبيقات المسموحة، وخلّي فتح القيود تدريجيا مكافأة على الالتزام. الحجب بيمنع الانزلاق في لحظة فضول، والعلاقة هي اللي بتخليه ما يدورش على باب تاني.

والكمبيوتر؟

تابع سطح المكتب لويندوز بيحجب مواقع وبرامج وألعاب ومجلدات، وبيفلتر الإنترنت على ثلاث طبقات، والإزالة بكلمة سر.

التكلفة

اشتراك شهري أو سنوي لكل جهاز، بنفس السعر مهما كان عدد الأجهزة، والتفاصيل في صفحة الأسعار. ولو التجديد اتأخر، تلات أيام سماح ما يتغيرش فيها حاجة، وبعدها الحماية بتقف لحد ما تجدد، والتطبيق بيفضل على الموبايل وضبط المصنع مقفول، وأول ما تجدد كل حاجة بترجع زي ما كانت.

ابدأ من صفحة تابع للأطفال، ولو عندك أي سؤال، الدعم على واتساب +201507966165.